കോള്‍ഡ്‌ ബ്ലഡ്‌

ബസ്സിന്റെ ജനാലക്കരികില്‍ ഇരിക്കുമ്പോള്‍ തണുത്ത കാറ്റ് നന്നായി വീശുന്നുണ്ട് എന്നാലും ഷട്ടര്‍ അടച്ചിടാന്‍ തോനിയില്ല. ഒരുപാട് കാഴ്ചകള്‍ കാണാനുണ്ടായിട്ടല്ല, ഒരേ ഒരു കാഴ്ചയാനുള്ളത്, മരങ്ങളും വീടുകളും മനുഷ്യന്മാരും (പുലര്‍ച്ചെ ആയതു കൊണ്ട് അധികമില്ലന്നു മാത്രം) എല്ലാം എല്ലാം പിറകിലോട്ട് നീങ്ങുന്ന കാഴ്ച. എല്ലാം തന്നെ പുറകോട്ടാണ് നീങ്ങുന്നത്. മുന്നോട്ടു പോകുന്നവന്റെ മസ്തിഷ്കത്തില്‍ സന്തോഷം നിറച്ചു കൊണ്ട് എല്ലാരും പിറകിലോട്ട് നീങ്ങുന്നു. യഥാര്‍ത്ഥത്തില്‍ അത് ഒരു തോനാല്‍ ആണെന്ന് മനസിലാക്കിയവര്‍ വിരളം ആണെന് തോനുന്നു, എന്തിനു? ഈ ഞാന്‍ പോലും കടുത്ത തണ്‌പ്പിനെ അവഗണിച്ചു അത് ആസ്വദിക്കുകയല്ലേ

മനുഷ്യര്‍ എല്ലാം ഒന്ന് തന്നെ

“ ടിക്കറ്റ്‌ എടുക്കാന്‍ ഉള്ളവര്‍ എടുക്കു “

കയറി ഇരുന്നിട്ട് ½ മണിക്കൂര്‍ ആയി തിരക്കായത് കൊണ്ടാവും കണ്ടക്ടര്‍ എന്നെ ശ്രദ്ധിച്ചില്ല, ഞാന്‍ പിന്നെ പിന്നിലേക്ക്‌ പോകുന്ന മനുഷ്യരെ നോക്കികൊണ്ടിരിക്കുക ആയിരുന്നലോ

“ഒരു ടിക്കറ്റ്‌ “ 100 രൂപ നീടികൊണ്ട് ഞാന്‍ പറഞ്ഞു

“എവിടെക്യ ”

“ഇതെവിടെക്ക പോകുന്നത് ? “

“എന്താ മാഷേ ബസ്സില്‍ കയറി ഇരുന്നിട് കളിയാക്കാ ? ”

“അതല്ല, ഇതെവിടെക്കണോ പോകുന്നത് അവിടേക്ക് ഒരു ടിക്കറ്റ്‌ തരു വേഗം “

“ഇത് പാലക്കടെക്ക , 110 രൂപാ “

10 രൂപായു, കൂടി എടുത്തു കൊടുത്തു, അടുതുള്ളയാള്‍ ഒന്ന് തറപിച്ചു നോക്കി ഷട്ടര്‍ അടക്കാത്തതില്‍ ഉണ്ടായിരുന്ന ദേഷ്യം ഇപോള്‍ അത്ഭുതം (അതോ സഹതാപമോ??!!!!) ആയി മാറിയിരിക്കുന്നു ഏതായാലും ഞാന്‍ ഷട്ടര്‍ താഴ്ത്തി, ഇനി എന്നെ കൊണ്ടൊരു ബുദ്ധിമുട്ട് വേണ്ട,

പിന്നില്‍ ഒരു ചിരി കേട്ടു, അതെ കണ്ടക്ടര്‍ കിളിയോടു പോയി ഞാന്‍ ടിക്കറ്റ്‌ എടുത്ത കഥ പറഞ്ഞിരിക്കുന്നു

ഇതും മനുഷ്യന്റെ ഒരു വിനോദം,

യുക്തിക്ക് നിരക്കാത്ത എന്തിനേം കളിയാക്കുക, പരിഹസിക്കുക

തെറ്റായാലും 99 പേര്‍ ചെയ്തതെ 100ആമത്തവന്‍ ചെയ്യു

മഴ പെയ്തു തുടങ്ങി, ഷട്ടര്‍ അടച്ചിട്ടും തണുപ്പിന് കുറവില്ല. പലക്കടെക്കാണത്രേ ബസ്‌ . ഞാന്‍ ബോര്‍ഡ്‌ ശ്രദ്ധിച്ചില്ല, ഒരു ബസ്സില്‍ കയറണം അതിന്റെ അവസാനം വരെ പോകണം അതായിരുന്നു ചിന്ത. എവിടെ നിന്നാണ് കയറിയത് എന്നും അറിയില്ല , ചോദിച്ചാലോ ?? വേണ്ട ഇനിയും പരിഹസിക്കപെടാന്‍ വയ്യ , നേരത്തെത് പോലെ അല്ല എല്ലാരും എണീറ്റിരിക്കുന്നു, അടുത്തുള്ളവന്‍ ഇപോളും ഉറക്കം ആണ്

ചൂട് കുടുതല്‍ ആണെന്ന് കേട്ടിടുണ്ട്, പ്രകിതി ഭംഗി ഒട്ടും കുറവില്ലത്രേ , അല്ലെങ്കിലും എത്തിച്ചേരുന്ന സ്ഥലത്തിന്റെ സവിശേഷതകള്‍ എന്നെ ബാധിക്കുന്നതല്ല

ഏതാനും കൊല്ലങ്ങള്‍ക്ക് മുന്‍പ് ഞാന്‍ ഇരുട്ടില്‍ തപ്പുമ്പോള്‍ ഒരു പുസ്തകം കിട്ടി. ഇംഗ്ലീഷ് പുസ്തകം, ആരാണാവോ എഴുതിയത് ?? വളരെ നല്ല പുസ്തകം; ഒരു പാട് പേജുകള്‍, ഒരുപാടു വാചകങ്ങള്‍ എല്ലാം നല്ല വാചകങ്ങള്‍, വീണ്ടും അതെ ഇരുട്ടില്‍ തപ്പി പുസ്തകങ്ങള്‍ വീണ്ടും, വാചകങ്ങള്‍ വീണ്ടും, പല ഭാഷകളില്‍ , നിഘണ്ടുക്കളും കിട്ടി; പല വാചകങ്ങളുടെ അര്‍ഥം അതില്‍ നിന്നും ഞാന്‍ മനസിലാക്കി, എല്ലാം നല്ല വാചകങ്ങള്‍ ആയിരുനില്ല. പക്ഷെ പലതും ഞാന്‍ നല്ലതാണെന്നാണ് കരുതിയിരുന്നത്. എന്നെപോലെ ഇരുട്ടില്‍ തപുന്ന ഒരുപാട് പേര്‍ അവിടെ ഉണ്ടായിരുന്നു പലര്‍ക്കും ഇപോലും നല്ല പുസ്തകങ്ങള്‍ കിട്ടിയിട്ടില്ല, കിട്ടിയവര്‍ അധികവും വായിച്ചു നോക്കിയില്ല, വായിച്ചു നോക്കാന്‍ ഇഷ്ടപെടില്ല, തീക്ഷ്ണമായ ചില വികാരങ്ങള്‍ ആണ് അവര്‍ക്കുണ്ടയിരുന്നത്, എന്നോട് പ്രിത്യേകിച്ചും.

പഠിക്കുന്നവരെ അവര്‍ക്ക് ഇഷ്ടമയിരുനില്ല. എനിക്കും ഇഷ്ടമായിരുനില്ല

ഞാന്‍ പറഞ്ഞില്ലേ തണുപ്പിന് കാഠിന്യം കൂടുതലായിരുന്നു, ബസ്‌ വളരെ മെല്ലെ ആണ് പോകുന്നതു, ഹൈ വേയിലുടെ ആണ് പോകുന്നത് എന്ന് തോന്നില്ല. അയാള്‍ക്കും തണുക്കുന്നുണ്ടാകും. അയാളും മനുഷ്യനല്ലേ? മനുഷ്യന്മാര്‍ക്ക് തണുക്കും;, പക്ഷെ തണുത്ത രക്തം ഉണ്ടാകുന്നതു കണ്ടിട്ടുണ്ടോ?, ഞാന്‍ കണ്ടിട്ടുണ്ട് എന്റെ രക്തം dialysis നടത്തിയ ആള്‍ എന്നോട് പറഞ്ഞിട്ടുണ്ടെ എനിക്ക് തണുത്ത രക്തം ആണെന്ന്. അയാളുടെ രക്തം ആണ് എനിക്ക് തന്നത്, പാവം അയാള്‍ മരിച്ചു പോയി അയാളോട് ഞാന്‍ കടപെട്ടിരിക്കുന്നു


കണ്ടക്ടര്‍ ടിക്കറ്റ്‌ എടുപ്പ് നിര്‍ത്തി, ടിക്കറ്റ്‌ എടുക്കാന്‍ ആരും ബാക്കിയില്ല. ആരും കയറുന്നുമില്ല

എന്റെ വീട്ടില്‍(8-10 കൊല്ലം മുന്‍പാണ് ) രണ്ടു പേര്‍ ഉണ്ടായിരുന്നു. ഒരാള്‍ പുസ്തകം എഴുതും, മറ്റേ ആള്‍ സഹായിക്കും പലവിധത്തില്‍. എന്നെ വളര്‍ത്തിയത്‌ അവര്‍ ആണ്. എന്നെ മാത്രമല്ല പലരെ അവര്‍ വളര്‍ത്തി. എന്നെ മാത്രമെ അവര്‍ ഓര്‍മിക്കു, ഞാനും അങ്ങനെ തന്നെ

സ്കൂള്‍, പഠനം എന്നി കാര്യങ്ങളില്‍ ഞാന്‍ പണ്ടേ മോശമായിരുന്നു, എല്ലാവര്ക്കും കളക്ടര്‍ ആവാന്‍ പറ്റില്ലല്ലോ!!!. എന്തായാലും പത്താം ക്ലാസ്സ്‌ ഒക്കെ പാസ്‌ ആയി

ബിരുദം ആണത്രേ ബിരുദം, ജോലി ഇല്ലാലോ അതോണ്ട് ബിരുദം

അന്ന് കൈയില്‍ കുറച്ചു തന്റേടം ഉണ്ട്‌, പിന്നെ രക്തവും

ഞാന്‍ പറഞ്ഞില്ലേ chilled blood. പക്ഷെ അതങ്ങനെ തിളക്കും ഇടയ്ക്കു, ചൂട് കുടുതല്‍ ആയതു കൊണ്ടായിരിക്കും

ഇടയ്ക്കു ഓരോ ജോലി കിട്ടും, പ്രധാനമായും ചില പ്രസംഗം കേള്‍ക്കല്‍ ആയിരിക്കും, ചിലപ്പോള്‍ അത് കേട്ട് തുള്ളാനും, ചില പ്രിത്യേക സാഹചര്യങ്ങളില്‍ ചിലരെ ആരും അറിയാതെ സഹായിക്കുക, അങ്ങനെ ചില പണികളും ഉണ്ടാവും. നമ്മുടെ രക്തം മറ്റത് ആയത് കൊണ്ട് ഇതിനോന്നും തളര്‍ച്ച ഇല്ല, ഏതായാലും ബിരുദം പൂര്‍ത്തിയായില്ല.

ചില ആള്‍കാര്‍ കാണാന്‍ വന്നു, ചില ആള്‍കാരെ ഞാന്‍ കാണാന്‍ പോയി. ഞാന്‍ കാണാന്‍ പോയ ആള്‍ക്ക് എന്നെ അറിയാമായിരുന്നു, ഞാന്‍ അദേഹത്തോടു ഒരു പാട് കാര്യങ്ങള്‍ പറഞ്ഞു. അയാള്‍ അതൊന്നും സമ്മതിച്ചു തന്നില്ല, പകരം ചിരിക്കുക മാത്രം ചെയ്തു, അയാളുടെ കൂടെ വേറൊരു സ്ത്രീ ഉണ്ടായിരുന്നു, അവര്‍ പക്ഷെ കരഞ്ഞു കൊണ്ടിരുന്നു, എനിക്ക് വന്നത് ദേഷ്യം ആണ്.

സന്തോഷം, സന്താപം ദേഷ്യം ; ഇതില്‍ ദേഷ്യം ആണ് അപകടകാരി

കുറച്ചു പേര്‍ എന്റെ ചുറ്റും കൂടി നിന്ന് ചിരിക്കുന്നു, ആര്‍ത്തു വിളിക്കുന്നു പ്ലേറ്റുകള്‍ തട്ടി ശബ്ദം ഉണ്ടാകി കൊണ്ട് അവര്‍ എന്തൊക്കെയോ വിളിച്ചു കൊണ്ടിരുന്നു. ദേഹം മുഴുവന്‍ തളര്‍ത്തുന്ന ഒരു തരം ശബ്ദവും വെളിച്ചവും. ആരൊക്കെയോ വന്നു എന്റെ ചുറ്റും കൂടി നിന്നവരെ പിടിച്ചു മാറ്റി. ഞാന്‍ തളര്‍ന്നു വീണു.

നിലാവ് നേരിട്ട് ആ റൂമിലേക്ക് പതിക്കുന്നുണ്ട്, പക്ഷെ ഉറക്കം വരാറില്ല, ഉറങ്ങാറുമില്ല, ഉറങ്ങണം എങ്കില്‍ കണ്ണടക്കണമല്ലോ??, അത് പറ്റില്ല. ഞാന്‍ നാട്ടു നനച്ചു വളര്‍ത്തിയ ഒരു വാഴ ഉണ്ടായിരുന്നു തൊട്ടപ്പുറത്തു. അതിന്നലെ കരിഞ്ഞു പോയി; അതാണ് ഓര്മ വരുന്നത്.

നിറങ്ങള്‍ ഉള്ള വസ്ത്രം ധരിച്ചിട്ടു കുറെ കാലമായി, പക്ഷെ എങ്ങനെ ജീവിക്കും ?? രണ്ടു പേര്‍ പുറത്തേക്കുള്ള വഴി കാണിച്ചു തന്നു, പുറത്തെക്കിറങ്ങിയപ്പോള്‍ നല്ല ചൂട്, പിന്നില്‍ ഒരു വലിയ മതില് മാത്രം, വാതില്‍ അടഞ്ഞിരിക്കുന്നു

ഇന്നലെ ആണവിടെ പോയത്, മണ്ണ് മാത്രം ഉണ്ട്‌, ഒരടയാളം പോലുമില്ല . കരയാന്‍ പറ്റിയില്ല , ഏറെ ദൂരം ഉണ്ടായിരുന്നു അവിടേക്ക് എനാലും നടന്നു വന്നു. ആരും മനസിലാക്കിയില്ല എന്നെ, ഭാഗ്യം ആരും മനസിലാക്കല്ലേ എന്നായിരുന്നു പ്രാര്‍ത്ഥനയും



പാലക്കാട്‌ 35km, ഭഗവാനെ യാത്ര അവസാനിക്കാറായല്ലോ

അതെ അവസാനിച്ചിരിക്കുന്നു, ഇനി എന്ത് ചെയും ?? ബസ്സുകള്‍ ഇനിയും സര്‍വീസ് നടതുമല്ലോ അല്ലെ????!!!!

കോയമ്പത്തൂര്‍ ബസ്സ്‌ സ്ടാണ്ടില്‍ ചായ കുടിച്ചു കൊണ്ടിരിക്കുമ്പോള്‍ ആണ് മാതൃഭൂമി പത്രം വില്കുന്നത് കണ്ടത്, ഒരെണ്ണം വാങ്ങി

“” പാലക്കാട്‌ ജില്ലയില്‍ ഹര്‍ത്താല്‍”?

ആരോ ആരെയോ കൊന്നു, ചത്തവര്‍ക്ക് എല്ലാര്ക്കും ഹര്‍ത്താല്‍ പ്രഖ്യാപിക്കാം, എല്ലാവര്ക്കും ചാന്‍സ് ഉണ്ട്‌

“സുഹൃത്തേ നിങ്ങള്‍ ആരെയെങ്കിലും കൊന്നിട്ടുണ്ടോ???”

“ എന്നാ തമ്പി “??

ഞാന്‍ ചിരിച്ചു പോയി അവന്‍ തമിഴന്‍ ആയതു നന്നായി അല്ലെങ്കില്‍ ഞാന്‍ വീണ്ടും പരിഹാസ പാത്രമയേനെ

പത്രത്തില്‍ കാര്യമായി ഒന്നും ഇല്ല, ചായയും തണുത് പോയി


ഒറിജിനല്‍ പോസ്റ്റ്‌:    എന്‍റെ രചനകള്‍ - കോള്‍ഡ്‌ബ്ലഡ്‌

Author

Sreejith P

അത് അത്രക്കൊന്നും പറയാനില്ല ഒരു ബി.ടെക് കാരന്‍, സിവില്‍ എഞ്ചിനീയറിംഗ് ആണ് പഠിച്ചത് അഹങ്കാരം ഒന്നുമില്ല, അഹങ്കരിക്കാനുള്ള കോപ്പുമില്ല , എങ്ങിനിയര്‍മാരെ മുട്ടിയിട്ടു നടക്കാന്‍ പറ്റാത്ത അവസ്ഥയല്ലേ അതോണ്ട് ഒരു എം. ടെക് എടുക്കണം എന്ന് കരുതിയിരിക്യാ

Follow Me on Twitter !

ഞാന്‍ വാങ്ങിയ നാനോ

നാനോ കാറിന്റെ സവിശേഷതകള്‍ വര്‍ണ്ണിക്കാനാണ്   ഞാന്‍ ഒരുമ്പെടുന്നത് എന്ന് നിങ്ങള്‍ക്ക്  ഒരു വിചാരം ഉണ്ടെങ്കില്‍ അത് ആദ്യമേ തന്നെ മാറ്റിയേര്  .
പ്രത്യക്ഷത്തില്‍ അങ്ങനെ തോന്നുമെങ്കിലും , ഞാന്‍ പറയാന്‍ തുടങ്ങുന്നത് നമ്മുടെ നാട്ടുകാരുടെ ഒരു സ്വഭാവത്തെ  പറ്റിയാണ് .
" ഒരു ലക്ഷത്തിന്റെ കാര്‍ " എന്നാ പരസ്യ വിളംബരം കേട്ടിട്ടാണ് ഒരു വിധം എല്ലാ ഇടത്തരക്കാരെയും പോലെ എന്റെ പിതാശ്രീയും നാനോ ബുക്ക് ചെയ്തത് . ബുക്ക് ചെയ്തത് മുതല്‍ പലരും അടുത്ത് വന്നു അതിന്റെ പോരായ്യമകളെ കുറിച്ചു വാതോരാതെ ഞങ്ങളോട് പറഞ്ഞു . എന്നാല്‍ ഇതൊന്നും കേട്ടിട്ട് അച്ഛനോ ഞാനോ വലിയ കാര്യമായിട്ടെടുത്തില്ല ( അമ്മയും ചേച്ചിയും അങ്ങനെ തന്നെ ).
കാറ് വന്നു , കാറ് കാണാന്‍ കുറെ അഭ്യുദയകാംഷികളും വന്നു . കാറ് അടിമുടി നോക്കി അവര്‍ മൊഴിഞ്ഞു "അകത്തു നല്ല സ്ഥലമുണ്ടല്ലിയോ ? , നല്ല ഉയരവുമുണ്ട് , മൈലേജു ഇരുപതിന് പുറത്തുണ്ട് "
പിന്നെ അല്പം പരിഹാസച്ചിരിയോടെ കൂട്ടിച്ചേര്‍ത്തു" ആപ്പേടെ എഞ്ചിനാ , ആട്ടോയുടെ ശബ്ദവും " എല്ലാ അഭ്യുദയകാംഷികളും ഇത് പറയുമ്പോള്‍ നാനോയേക്കുറിച്ചു എല്ലാം അറിയാവുന്നവരെ പോലെ വാചാലനവുന്നത് ഞാന്‍ കണ്ടു .

റോഡിലുടെ ഞങ്ങള്‍ നാനോയില്‍ കുടുംബസമേതം ഇങ്ങനെ യാത്ര പോകുമ്പോള്‍ ചില വഴിപോക്കര്‍ : " ദേണ്ടഡാ ഒരു ലക്ഷത്തിന്റെ കാറ് പോണു "
 കേള്‍ക്കുമ്പോ ചൊറിഞ്ഞു വരും , അതിന്റെ വീലുകള്‍ റോഡില്‍ മുട്ടിയപ്പോള്‍ തന്നെയായി രണ്ടു . എന്നിട്ടാ  ഇവനൊക്കെ പറയുന്നത് " ഒരു ലച്ചത്തിന്റെ കാറാന്നു" .
സ്ഥിതിഗതികള്‍ ഇതുപോലെ തന്നെ ഒരു ഒന്നരമാസത്തോളം കടന്നു പോയി .

ആയിടയ്ക്കാണ് , ഒരു ദൈവദൂതനെ പോലെ ഞങ്ങളുടെ ഭാഗത്തെ ഏറ്റവും വലിയ പണക്കാരനും , ഏക ബാറുടമയും, അതിലുപരി കുറയധികം വാഹനങ്ങള്‍ കൈവശം ഉള്ള പ്രമാണി . ഇപ്പറഞ്ഞ നാനോയെടുത്ത് . തുടര്‍ന്നരങ്ങേറിയ ഒരു സംഭവം താഴെ വിവരിക്കുന്നു .
--------------------------------------------------------------------------------------

വേലായുധന്‍ കുട്ടി ചേട്ടന്റെ ചായക്കടയിലെ വൈകുന്നേരത്തെ ചായയും കടിയും ഞാന്‍ ഒരിക്കലും ഒഴിവാക്കാറില്ല . അന്നും അതുപോലെ ഒരു ബോണ്ടയും ചായയുമായി ഞാന്‍ കൈയാംകളി നടത്തുന്ന സമയം .
"അല്ല ചേട്ടാ അറിഞ്ഞില്ലേ നമ്മുടെ ജോസഫ്  അച്ചായന്‍ നാനോയെടുത്തെന്നു " വന്ന പാടെ രാഘവന്‍ വേലായുധന്‍ കുട്ടി ചേട്ടനോട് പറഞ്ഞു .
" നേരാണോടെ  നീ പറഞ്ഞത് " വേലായുധന്‍ കുട്ടി ചേട്ടന്‍ ഒരു കട്ടന്‍ ചായ അയാള്‍ക്ക്‌ നേരെ നീട്ടിക്കൊണ്ടു ചോദിച്ചു 
" അല്ല കള്ളം , മുന്നില്‍ ആ മൂത്ത ചെറുക്കനേം വച്ചു അച്ചായന്‍ പോണത് ഞാന്‍ ഈ രണ്ടു കണ്ണുകൊണ്ട് കണ്ടതാ . വര്‍ഗ്ഗിസ്സേട്ടന്‍  ഇത് പറഞ്ഞപ്പോള്‍ ഞാന്‍ അയ്യട എന്നായിപ്പോയി " ഇത് കേട്ട് ബാര്‍ബര്‍ രമേശേട്ടന്‍ മൂക്കത്ത് വിരല്‍ വച്ചു ." വല്ല അബദ്ധവും പറ്റിയതാണോ "
" എങ്ങനെ അബദ്ധം പറ്റാനാ എന്റെ അപ്പന്‍ ജനിക്കുന്നതിനു  മുമ്പേ അവിടെ വാഹനങ്ങളുണ്ട് . പിന്നെ അബദ്ധം പറ്റുവോ ?" ഇത്രയും പറഞ്ഞിട്ട് എന്നോടായി തുടര്‍ന്ന് " ഞാന്‍ അന്നേ പറഞ്ഞില്ലേ നാനോ കൊള്ളാമെന്നു .
"പഭ് " വേലായുധന്‍കുട്ടി ചേട്ടന്‍ രാഘവന്റെ മുഖമടച്ചോന്നാട്ടി
" നിന്റെ അപ്പന്‍ ജനിക്കും മുമ്പേ അവിടെ പട്ടിയുണ്ടായിരുന്നു " രാഘവന്‍ ഇരുന്നിടത്തു നിന്നും ചാടിയെഴുന്നേറ്റു അമ്പരപ്പോടെ വേലായുധന്‍കുട്ടി ചേട്ടനെ മുഖത്തേക്ക് നോക്കി നിന്നു .
" എന്റെ കുഞ്ഞേ നിങ്ങള് നാനോ വാങ്ങിയപ്പോ ഈ വിവരദോഷി പറഞ്ഞത് എന്താണെന്ന് അറിയാമോ ?" വേലായുധന്‍കുട്ടി ചേട്ടന്‍ എന്നോട് ചോദിച്ചു .
" നാനോയിക്ക് ആപ്പേടെ എഞ്ചിനാ , അതിലും ഭേദം ഒരു ആപ്പേ മേടിക്കുന്നതാ  ഒന്നുമില്ലെങ്കിലും വാഴക്കൊലയും ചേനയുമൊക്കെ ചന്തേ കൊണ്ടുപോയി വിക്കാല്ലോന്നു "
രാഘവന്‍ ഒരു ചമ്മലോടെ എന്നെ നോക്കി
"അല്ല പിന്നെ ഒരു പണിയും ചെയ്യാതെ ഇവിടക്കുടെ തേരാപ്പാര നടക്കുന്ന ഇവനൊക്കെ വാഴക്കൊലയും ചേനയും ചന്തയില്‍ കൊടുക്കണം പോലും , എന്തുവാടാ നിന്റെ വീട്ടില്‍ തന്നെ വാഴക്കൊലയും ചേനയും ഉണ്ടാവുമോ ? " ഒറ്റയിറക്കിനു ചൂട് ചായയും കുടിച്ചു പറ്റു പുസ്തകത്തില്‍ എഴുതി വച്ചു രാഘവന്‍ ഇറങ്ങി നടന്നു .

" രാഘവോ , നീ നാനോ വാങ്ങാന്‍ പോകുവാന്നു കേട്ട് ഒള്ളതാ " എതിരെ വന്ന പിള്ള ചേട്ടന്‍ ചോദിച്ചു
" ഇല്ല പിള്ള കൊച്ചാട്ടാ , അവന്‍ ആപ്പേ മേടിക്കാന്‍ പോകുവാ . വാഴക്കൊലേം ചേനേം ചന്തേ കൊണ്ട് പോണമെന്ന് "രമേശേട്ടന്‍ ഇത് പറയുമ്പോള്‍ കടയിലിരുന്ന എല്ലാവരും പൊട്ടിച്ചിരിച്ചു കൊണ്ട് ഒരു സ്വരത്തില്‍ വിളിച്ചു "ആപ്പേ.....പൂയി.."

വാര്‍ത്ത : ഡ്രൈവിംഗ് പരിശിലത്തിനിടെ ഞാന്‍ ഇഷ്ടികപ്പുറത്ത് കയറ്റി , സാമാന്യം നല്ലൊരു ചളുക്ക്‌ പുതിയ വണ്ടിക്കു നല്‍കിയിട്ടുണ്ട് .
കമന്റു  :എന്തായാലെന്താ ചങ്കരന്‍ പിന്നേം തെങ്ങേല്‍ തന്നെ

http://www.dpkv.in/2011/01/blog-post_09.html

Author

ഡി.പി.കെ

വെറുതെ ചൊറിയും കുത്തിയിരിക്കും , അത് കണ്ടു നാട്ടുകാര്‍ വല്ലതും പറഞ്ഞാലോ എന്ന ഭയം കാരണം എന്തേലും എഴുതും

Follow Me on Twitter !

ഫോട്ടോയില്‍ ആനിമേഷന്‍

    ഫോട്ടോഷോപ്പില്‍ ആനിമേഷന്‍ വഴി സ്ലൈഡ് ഷോ ഉണ്ടാക്കുന്നതിനെ കുറിച്ചുള്ള ഒരു ചെറിയ പോസ്റ്റ്. ഒന്നു ശ്രമിച്ച് നോക്കു.

പുതിയ ഒരു പേജ് നിങ്ങള്‍ക്കിഷ്ടമുള്ള വലിപ്പത്തില്‍ തുറക്കുക. ഞാന്‍ 800 X 700 ലാണ് പേജ് തുറന്നിരിക്കുന്നത്. ഇനി ബാക്ക് ഗ്രൌണ്ടില്‍ നിങ്ങള്‍ക്കിഷ്ടമുള്ള ചിത്രം നല്‍കാം. ഞാന്‍ ഇവിടെ ഒരു ഗ്രേഡിയന്‍റ് ആണ് ഉപയോഗിച്ചിരിക്കുന്നത്.

ശേഷം പുതിയ ഒരു ലയര്‍  ചിത്രത്തില്‍ കാണുന്നത് പോലെ ഉണ്ടാക്കണം. അതിനായി ആദ്യം ഒരു ലയര്‍ ഉണ്ടാക്കണം അതിനു ശേഷം Rectangular marque Tool ഉപയോഗിച്ച് ചിത്രത്തില്‍ കാണുന്ന വലിപ്പത്തില്‍ ഒരു ചതുരം ഉണ്ടാക്കുക. ശേഷം # f4e3ea ഈ കളര്‍ പൈന്‍റ് ബക്കറ്റ് ടൂള്‍ ഉപയോഗിച്ച് ഫില്‍ ചെയ്യുക. പിന്നീട് Edit >> Free Transform (Ctrl + T ) ഉപയോഗിച്ച് അല്പം തിരിക്കുക.

       പുതിയ ഒരു ലയര്‍ കൂടി ഉണ്ടാക്കുക. ശേഷം ചിത്രത്തില്‍ കാണുന്നത് പോലെ Polygonal lasso Tool ഉപയോഗിച്ച് ഒരു ചതുരം ഉണ്ടാക്കുക. നിങ്ങള്‍ക്കിഷ്ടമുള്ള ഒരു നിറം ഫില്‍ ചെയ്യുക. ഈ ലയറില്‍ പ്രത്യേകിച്ച് കാര്യമൊന്നുമില്ല. നമ്മുടെ ഫോട്ടോ പെട്ടന്നു അതില്‍ ആഡ് ചെയ്യാന്‍ വേണ്ടി ഒരു ചെറിയ ഐഡിയ.

     ഇനി നമുക്ക് സ്ലൈഡ് ഷോക്ക് ഉള്ള ചിത്രങ്ങള്‍ ആഡ് ചെയ്യണം. അതിനായി നമ്മുടെ ചിത്രങ്ങള്‍ ഫോട്ടോഷോപ്പില്‍ ഓപണ്‍ ചെയ്യുക. നമ്മുടെ നമ്മുടെ ഈ ഫോട്ടോഷോപ്പ് ഫയലിലേക്ക് ചിത്രങ്ങള്‍ കോപി ചെയ്യുക. ചിത്രം ശ്രദ്ധിക്കുക. ഇനി നമ്മള്‍ ഉണ്ടാക്കിയ (ലയര്‍ 3  മുകളില്‍ ഇഷ്ടമുള്ള കളര്‍ കൊടുക്കാന്‍ പറഞ്ഞ ലതേ ലയര്‍) ലയര്‍ 3 യുടെ അതേ വലിപ്പത്തില്‍ നമ്മുടെ ചിത്രങ്ങള്‍ ക്രമീകരിക്കണം. അതിനായി ആദ്യം Edit >> Free Transform (Ctrl + T )  ഉപയോഗിച്ച് തിരിക്കുകയോ ചെറുതാക്കുകയോ ചെയ്യാം. അതിനു ശേഷവും പുറത്ത് കാണുന്ന ഭാഗങ്ങള്‍ ഇറേസര്‍ ടൂളുപയോഗിച്ച് മായ്ച്ച് കളയുക. അതിനുള്ള ഒരു എളുപ്പ മാര്‍ഗം  നമുക്ക് മായ്ക്കേണ്ട ചിത്രം സെലെക്‍റ്റ് ചെയ്ത ശേഷം കീ ബോര്‍ഡില്‍ Ctrl ബട്ടണ്‍ ഞെക്കി പിടിച്ച് ലയര്‍ 3 യുടെ ലയര്‍ പാലറ്റ് ചെറു ചിത്രത്തില്‍ ഞെക്കുക. (അപ്പോള്‍ ആ ഭാഗം സെലെക്‍റ്റ് ആയി വരും) ഇനി Select >> inverse  എന്നിടത്ത് പോകുക. ശേഷം ഇറേസര്‍ ടൂള്‍ ഉപയോഗിച്ച് പുറം ഭാഗങ്ങള്‍ മായ്ച്ച് കളയുക. ഇതു പോലെ നമ്മള്‍ ആഡ് ചെയ്യുന്ന എല്ലാ ചിത്രങ്ങളും  ഒരേ വലിപ്പത്തില്‍ ക്രമീകരിക്കുക. ഇനി ചിത്രം ഒന്നു ശ്രദ്ധിക്കു. താഴെയുള്ള 3 ലയര്‍ സെലെക്‍റ്റ് ചെയ്തിരിക്കുന്നത്. ഇങ്ങനെ സെലെക്‍റ്റ് ചെയ്യാന്‍ ഷിഫ്റ്റ് ബട്ടണ്‍ ഞെക്കി പിടിച്ച് ഓരോ ലയറുകളിലും ക്ലിക്കിയാല്‍ മതി. അതിനു ശേഷം Ctrl + E ഉപയോഗിച്ച് മെര്‍ജ് ചെയ്യുക.

    അടുത്തതായി നമുക്ക് ആനിമേഷനിലേക്ക് കടക്കണം. അതിനായി പുതിയ വേര്‍ഷന്‍ ഫോട്ടോഷോപ്പന്മാര്‍ Wndow >> animation എന്നിടത്ത് പോകുക. പഴയവര്‍ File >> Jumb to image ready പോകുക. ചിത്രത്തില്‍ കാണുന്നത് പോലെ 1 എന്നടയാളപ്പെടുത്തിയിരിക്കുന്ന ന്യൂ ലയര്‍ ഐകണില്‍ ക്ലിക്ക് ചെയ്ത് ആനിമേഷന്‍ ലയര്‍ ഓപണ്‍ ചെയ്യുക. ചെറു ചിത്രത്തിനു താഴെ കാണുന്ന 0 sec എന്നത് 0.1 sec എന്നാക്കുക. ശേഷം 2 എന്നടയാളപ്പെടുത്തിയിരിക്കുന്ന Tween  ബട്ടണില്‍ ക്ലിക്ക് ചെയ്യുക. ഇതിൽ ചിത്രങ്ങൾ സെലെക്‍റ്റ് ചെയ്യേണ്ട വിധം ചിത്രത്തിലേ ലയർ പാലറ്റ് ശ്രദ്ധിച്ചാൽ മനസിലാകും. ആനിമേഷൻ വിന്റോയിൽ ആദ്യ ലയറിൽ ബാക്ക്ഗ്രൌണ്ടും ലയർ 4 ഉം സെലെക്‍റ്റുക. രണ്ടാം ലയറിൽ ബാക്ക്ഗ്രൌണ്ടും ലയർ 5 ഉം സെലെക്‍റ്റുക.

     വരുന്ന വിന്റോയിൽ ചിത്രത്തില്‍ കാണുന്ന പോലെ സെറ്റിംഗ്സ് ചെയ്യുക. ഓകെ നൽകുക. അപ്പോൾ നമുക്ക് ആനിമേഷൻ വിന്റോ പാലറ്റിൽ 5 ലയറുകൾ കിട്ടും.

ചിത്രത്തിൽ കാണുന്ന 1 എന്ന ചുവന്ന മാർക്ക് ചെയ്ത ന്യൂ ലയർ ഐകണിൽ ഒന്നൂടെ ക്ലിക്ക് ചെയ്ത് ആനിമേഷൻ ലയർ പാലറ്റിൽ ഒരു ലയർ കൂടി ആഡ് ചെയ്യുക. അതിൽ ബാക്ക്ഗ്രൌണ്ടും ലയർ 6 ഉം സെലെക്‍റ്റുക. പഴയ പോലെ ത്തന്നെ Tween ഐകണിൽ ക്ലിക്ക് ചെയ്ത് ഓപൺ ആയി വരുന്ന വിന്റോയിൽ പഴയ സെറ്റിംഗുകൾ തന്നെ നൽകി ഓകെ നൽകുക. ഇനി ഒരു പ്രാവശ്യം കൂടി പുതിയ ലയർ ഉണ്ടാക്കണം. അതിനു ശേഷം അതിൽ നമ്മൾ ആദ്യ ലയറിൽ സെലെക്‍റ്റിയ അതേ ലയറുകൾ (ബാക്ക്ഗ്രൌണ്ട് ലയറും ലയർ4 ഉം) സെലെക്‍റ്റുക.  Tween ഒപ്ഷൻ വീണ്ടും ആവർത്തിക്കുക.

    ഇനി ചിത്രത്തിൽ കാണുന്നത് പോലെ ആനിമേഷൻ വിന്റോയിൽ ആദ്യ ലയറിന്റെയും അഞ്ചാമത് ലയറിന്റേയും ഒൻപതാം ലയറിന്റേയും ടൈം 0.1 എന്നത് 0.5 എന്നോ അതിൽ അല്പം കൂടുതലോ ആക്കുക. ഇനി ആനിമേഷൻ വിന്റോയിലുള്ള പ്ലേ ബട്ടണിൽ ഒന്നു ഞെക്കി നോക്കു. ഇനി നമുക്ക് സേവ് ചെയ്യണം. file >> Save for web and devices (പഴയ ഫോട്ടോഷോപ്പുകാർ Save optimized as ) എന്നിടത്ത് പോകുക. GIF ഫയൽ ആയി സേവ് ചെയ്യുക. 

http://fotoshopi.blogspot.com/2011/03/blog-post.html

Author

fazlul ഫോട്ടോഷോപ്പി

ഞാൻ മലപ്പുറം ജില്ലയിൽ പെരിന്തൽമണ്ണക്കടുത്ത് മണ്ണാർമല എന്ന നാട്ടിൽ നിന്നും സൗദിയിൽ എത്തി കാര്യമായ പണിയൊന്നും ഇല്ലാഞ്ഞപ്പം ഫോട്ടോഷോപ്പ് പഠിക്കാൻ വേണ്ടി മാത്രം ഒരു ഓൺലൈൻ നോട്ട്ബുക്ക് ആയി തുടങ്ങിയതാണെന്റെ ബ്ലോഗ് .  അതൊരുപാടുപേർക്ക് ഉപകാരപ്പെടുന്നുണ്ടെന്നറിഞ്ഞതിൽ അതിയായസന്തോഷം...

അനുജന്‍

(2 വര്ഷം മുന്പ് ജനുവരി 28 നു ഒരു അക്സിടെന്റിനെ തുടര്‍ന്ന് ഞങ്ങളെ പിരിഞ്ഞു പോയ എന്റെ പ്രിയ സഹോദരന്റെ ഓര്‍മയ്ക്ക് മുന്‍പ് മുന്‍പില്‍ അര്‍പ്പിക്കുന്നു ഈ വരികള്‍...)

കാത്തിരിപ്പൂ ഞങ്ങള്‍ വഴി കണ്ണുമായി നിന്‍ പാദ സ്പന്തനത്തിനായി

ഒരു ചെറുപുഞ്ചിരിയുമായി നീ കടന്നുവരും നിമിഷത്തിനായി

എന്‍ ഇടവഴിയിലൊരു വണ്ടി പോവുമ്പോള്‍

പൂമുഖ വാതിലില്‍ ഒരു മുട്ട് കേള്‍കുമ്പോള്‍

നീയെന്നോര്‍ത്ത് മനമൊന്ന് തുടിക്കുന്നു

ജനുവരിയിലെ ആ‍ തണുത്ത പ്രഭാതത്തില്‍

നിണമണിഞ്ഞു നീ വഴിയോരം വീണത്‌

വെറുമൊരു പേകിനാവെന്നെന്നുള്ളം

ഇന്നും എന്നോട്‌ പറയുന്നു മെല്ലെ

അലറി വിളിച്ചൊന്ന് ഉണരുവാനായെങ്കില്‍

നിന്നോട്‌ ഈ നൊമ്പരം പങ്കിടമായിരുന്നു

ഇല്ലില്ല,നീയെങ്ങും പോവില്ല വിട്ടെന്നെ

എന്‍ കൈതുമ്പ് പിടിച്ച പിച്ച വെച്ച

യെന്‍കുഞ്ഞനുജന്‍

ബാല്യത്തില്‍ ഒളിച്ചുകളിയുടെ അവസാനം

ഞാന്‍ ജയിചെന്ന്‍ ചൊല്ലികൊണ്ട് നീ വരുമ്പോലെ

ഒരു ദിനം എന്‍ മുന്‍പില്‍ നില്‍കുന്ന വേളക്കായി

കാത്തിരിപ്പൂ ഞങ്ങള്‍ വഴി കണ്ണുമായി

വരില്ലേ നീ..........?????????????

http://bayangarabittugal.blogspot.com/2009/09/blog-post_15.html

Author

കാന്താരി

ഞാന്‍ കാന്താരി ,സ്വദേശം തലശ്ശേരി ,കൂടുതല്‍ അവകാശവാദങ്ങള്‍ ഒന്നും ഇല്ല,മനസ്സിലെ നൊമ്പരങ്ങള്‍ കുത്തിക്കുറിക്കുന്നു ,അതൊക്കെ നിങ്ങളുമായി പങ്കുവെക്കുന്നു,അത്ര മാത്രം...

Follow Me on Twitter !

വലിച്ചോ വലിച്ചോ പക്ഷേ വലിപ്പിക്കരുത്!

നിങ്ങളെ ഒരാള്‍ ഭക്ഷണം കഴിക്കാന്‍ വിളിക്കുന്നു, സസ്യഭുക്കായ നിങ്ങളെ ചിക്കെന്‍ ബിരിയാണി കഴിക്കാന്‍ ആണ്  വിളിക്കുന്നത്..അപ്പൊ എന്ത് പറയും,സ്വാഭാവികമായും വേണ്ട എന്നെ പറയൂ, പക്ഷേ അയാള് നിങ്ങളുടെ വായിലേക്ക് ബലമായി ചിക്കെന്‍ ബിരിയാണി ഇട്ട്‌ നിങ്ങളെ അത് തീറ്റിച്ചു എന്ന് വെക്കുക,എന്ത് ചെയ്യും? എത്ര ദുര്‍ബലന്‍ ആണേലും അത് ചെയ്തവന്റെ ചെപ്പ നോക്കി ഒന്ന് പൂശാതിരിക്കില്ല അല്ലേ..

അപ്പോള്‍ എന്താ സുഹൃത്തേ നിങ്ങള്‍ പൊതുസ്ഥലത്ത് പുകവലിക്കുന്ന ഒരാളെ വെറുതെ വിടുന്നത്? ഒരു ചെറു വാക്ക് പോലും പറയാത്തത്.. ഒരു സസ്യ ഭുക്കായ നിങ്ങള്‍ ചിക്കെന്‍ ബിരിയാണി കഴിച്ചു എന്നത് കൊണ്ട് ഒന്നും സംഭവിക്കാനില്ല,പക്ഷേ എന്നിട്ടും നിങ്ങള്‍ പ്രതികരിച്ചു! അപ്പോള്‍ പുകവലിക്കാത്ത നിങ്ങളെ ഒരു പുകവലിക്കാരന്‍ പുക'തീറ്റി'ച്ചു ആയുസ്സിനെയും ആരോഗ്യത്തെയും നശിപ്പിക്കുന്നത് അറിയുന്നില്ലെന്നാണോ?അതോ അറിയാത്തതായി നടിക്കുന്നതോ?പ്രതികരിക്കൂ!!!

ഈ പോസ്റ്റ്‌ പുകവലിക്കുന്നവരെ ഉദ്ധരിച്ചു അവരുടെ ശീലം ഇല്ലാതാക്കാനോന്നുമല്ല,അങ്ങനെ ആരും കരുതുവേം വേണ്ട, നിങ്ങള്‍ വലിച്ചോ പക്ഷേ ആ പുക പടര്‍ന്നു ചെല്ലാന്‍ ചാന്‍സ് ഉള്ള ഒരു സ്ഥലത്തും ഒരു മനുഷ്യകുഞ്ഞും ഇല്ലെന്നു ഉറപ്പാക്കിയതിനു ശേഷം!!. നിങ്ങളുടെ ഉച്ചിഷ്ടം ഭക്ഷിക്കാന്‍ ഉള്ളവരല്ല ഞങ്ങള്‍!

വലിക്കാരെ, നിങ്ങള്‍ നശിക്കാനായി ഇറങ്ങി തിരിച്ച കുറെ ജന്മങ്ങള്‍ ആണ്!..ആ നിങ്ങള്‍  കാരണം പാസ്സിവ് സ്മോക്കിംഗ് എന്നതിന് അടിമപ്പെടുന്നവര്‍ വേറെ കുറെ പാവങ്ങള്‍കൂടി ആണെന്ന് എന്തേ ഓര്‍ക്കുന്നില്ല?! പൊതുസ്ഥലത്ത് പുകവലിക്കുന്നവരെ അതില്‍  നിന്നു വിലക്കുക, ധൈര്യമായി പറയണം ഇവിടെ നിന്നു പുകവലിക്കാന്‍ പാടില്ല! അവരത് അനുസരിച്ചില്ലെങ്കില്‍ പോലീസില്‍ അറിയിക്കുക,ശുദ്ധ വായു നിങ്ങളുടെ അവകാശം ആണ്!.. പൊതുസ്ഥലത്ത് പുകവലിക്കുന്നവര്‍ സാമൂഹ്യ ദ്രോഹികള്‍ ആണ്! പാസ്സിവ് സ്മോക്കിങ്ങ്നു ഇരയാകുന്ന ഒരു ഭൂരിപക്ഷം പുകവലിക്കാരുടെ ഭാര്യയും മക്കളും ആണ്,ആ അത് വിട് അയാളുടെ ഭാര്യ!! അയാളുടെ മക്കള്‍!!.... വലിക്കാരാ വലിക്കാരാ  നിനക്ക് പുക വലിക്കാന്‍ അവകാശം ഉള്ള പോലെ എനിക്ക് ശുദ്ധ വായു ശ്വസിക്കാന്‍ ഉള്ള അവകാശോം ഉണ്ട്, അത് മറക്കണ്ടാ!

പാസ്സിവ് സ്മോകിംഗ് കാരണം മരിക്കുന്നവരുടെ കണക്കു വിവരങ്ങള്‍ ചുവടെ!

 ഈ വീഡിയോ കാണുക!

ഇതെനിക്കേറ്റവും ഇഷ്ടായ ആഡ് ആണ്!

[NB:ആദ്യം പറയും വലിക്കരുത് എന്ന്,പിന്നെ പറയും വലിപ്പിക്കരുത് എന്ന്, പിന്നെ ഒന്നും പറയില്ല അല്പം പട്ടിക്കാട്ടം സങ്കടിപ്പിച്ചു അവന്റെ ഒക്കെ അണ്ണാക്കില്‍ ഇടും! #ലേബല്‍:ഭയങ്കരമായ രോഷം!]

http://loverofevening.blogspot.com/2011/01/blog-post_16.html

Author

കണ്ണൻ | kannan

അരുണ്‍കുമാര്‍ പ്രഭാകരന്‍ പിള്ള എന്ന കണ്ണന്‍, സോഫ്റ്റ്‌വെയര്‍ എഞ്ചിനീയര്‍ ആണ്.
ഇടം കയ്യ് ബ്ലോഗ്‌ എഴുതുമ്പോള്‍ വലം കയ്യ് കോഡ് എഴുതും! ഇടം കയ്യ് ചെയ്യുന്നത് വലം കയ്യ് അറിയില്ലാ
NB:"കണ്ണാ എന്ന് വിളിച്ചു കേള്‍ക്കാനാണ്‌ കൂടുതല്‍ ഇഷ്ടം.."

<< ബ്ളോഗര്‍മാര്‍ സൂക്ഷിക്കുക !! >>

((ചിത്രത്തില്‍ ക്ളിക്കിയാല്‍ വലുതായും വ്യക്തമായും കാണാം))

----------------------------

ഈ ഇംതിയാസ് ഇംതിയാസ് എന്നാരെങ്കിലും കേട്ടിട്ടുണ്ടോ...?

(ങേ..പൊന്നപ്പനോ..പൊന്നപ്പനല്ലെടാ തങ്കപ്പന്‍ ! തങ്കപ്പന്‍ !!)

----------------------------

ഇല്ല ബ്ലോഗ് വായിക്കാത്തവര്‍ക്ക് ഈ പേരു അത്ര സുപരിചിതമാവാന്‍ വഴിയില്ല...

അവര്‍ക്കെന്ത് ബെര്‍ളി തോമസ് അവര്‍ക്കെന്ത് ബഷീര്‍ ? (അവര്‍ക്കെന്ത് നൗഷാദ് അകമ്പാടം!!)

----------------------------

ഒരു ബ്ലോഗ്ഗറുടെ മാനസിക സംഘര്‍ഷങ്ങളെക്കുറിച്ച്..

ഭാര്യയുടെ കണ്ണുവെട്ടിച്ച് അതൊന്നു എഴുതിപോസ്റ്റാനുള്ള പങ്കപ്പാടിനെക്കുറിച്ച്..

പോസ്റ്റു ചെയ്ത് ആദ്യം വരുന്ന കമന്റ് കാണും വരേയുള്ള നെഞ്ചിടിപ്പിനെക്കുറിച്ച്..

കമന്റുകള്‍ ഒന്നൊന്നായി പൊങ്ങി വരുമ്പോള്‍ മനസ്സിനുണ്ടാവുന്ന ആഹ്ളാദത്തെക്കുറിച്ച്..

ഫോളോവേഴ്സ് കൂടുമ്പോള്‍ "ഹ ഞാനാളു കൊള്ളാമല്ലോ" എന്ന നിഗൂഡ പരമാനന്ദത്തെക്കുറിച്ച്..

അതൊന്നും ഈ ബ്ലോഗെഴുതാത്തവന്മാര്‍ക്കറിയില്ലല്ലോ..

കമന്റ് വരാത്ത പോസ്റ്റു പോലെ അവരുടെ ജീവിതം നിര്‍ജീവമെന്നു ഒരു ബ്ലോഗര്‍ കരുതിയാല്‍ നമ്മളെങ്ങനെ കുറ്റം പറയും?

----------------------------

എന്നാല്‍ ബ്ലോഗ് വായിക്കുന്നവരും ബ്ലോഗ് എഴുതുന്നവരും ഇംതിയാസിനേയും പുള്ളിയുടെ പ്രസിദ്ധബ്ലോഗ്"ആചാര്യനേയും" അറിയാതിരിക്കാന്‍ വഴിയില്ല!

----------------------------

ആ ഇംതിയാസ് മലയാള ബ്ലോഗ്ഗേഴ്സിനുമേല്‍ ഹിഡന്‍ അജന്‍ഡയുമായി ഒരു വന്‍ പദ്ധതി ആസൂത്രണം ചെയ്തിരിക്കുന്ന ഞെട്ടിക്കുന്ന വിവരം അറിയിക്കാനാണീ കുറിപ്പ്.

----------------------------

സുന്ദരനും സുമുഖനും സര്‍‌വ്വോപരി "ആചാര്യന്‍ " എന്ന ബ്ലോഗിന്റെ ഉടമസ്ഥനും മറ്റു ബ്ലോഗുകളെയൊന്നും ഫോളോ ചെയ്യാതെ നാട്ടിലെ സുന്ദരിമാരെ മാത്രം ഫോളോ ചെയ്യുന്നവനുമായ ഇംതിയാസ് എന്ന ചെറുപ്പക്കാരന്റെ ശല്ല്യം സഹിക്കവയ്യാതെ നാട്ടുകാര്‍ പിരിവെടുത്ത് ഗള്‍ഫിലേക്ക് കയറ്റിയയക്കുന്നിടത്താണു ഈ കഥയുടെ തുടക്കം.

----------------------------

എന്നാല്‍ ഗള്‍ഫ് നാടുകളിലുള്ള ഇംതിയാസിന്റെ നാട്ടുകാര്‍ അതാതു നാടുകളിലെ ഭരണാധിപന്മാരെ കണ്ട് ആപത്ത് വരുന്നത് മുന്‍ കൂട്ടി അറിയിക്കുകയും അന്നേരെമെങ്കിലും അല്പം ബുദ്ധി കാണിച്ച സൗദി അറേബ്യ, യൂ.ഏ.ഈ, ബഹ്റൈന്‍ , ഖത്തര്‍, കുവൈത്ത്, ഒമാന്‍ തുടങ്ങിയ രാഷ്ട്രങ്ങളിലെ ഭരണാധിപന്മാര്‍ ഇവിടെത്തെ യുവതലമുറ കൂടുതല്‍ വഴി തെറ്റിപ്പോവുമെന്ന കാരണം മുന്‍ നിര്‍ത്തി ഇയാള്‍ക്ക് വിസ പാസ്സാക്കാന്‍ തയ്യാറായില്ല.

----------------------------

അതില്‍ പിന്നെ നാട്ടുകാരെല്ലാം കൂടിയാലോചിച്ച് ഇദ്ദേഹത്തെ

രണ്ടും കല്പ്പിച്ച് ഇറാക്കിലേക്കാണു (ഞെട്ടണ്ട..നമ്മുടെ അതേ ഇറാക്കിലേക്ക് തന്നെ!) കയറ്റിയയച്ചത്.

----------------------------

ഇറാക്കില്‍ എത്തിയ ഇംതിയാസ് എന്ന ആചാര്യന്‍ തന്നെ ഒഴിവാക്കിയ മറ്റ് അറബ് രാഷ്ട്രങ്ങളെ ഒരു പാഠം പഠിപ്പിക്കണമെന്ന ശപഥമെടുക്കുകയും അവിടങ്ങളിലെ സമ്പത് ഘടനയെ ഒരു പരിധിവരെ താങ്ങി നിര്‍ത്തുന്നത് ഇന്ത്യന്‍ പ്രവാസികള്‍ പ്രത്യേകിച്ച് മലയാളികള്‍ ആണെന്നുള്ള തിരിച്ചറിവ് മുന്‍ നിര്‍ത്തി ഒരു വന്‍ പദ്ധതി തയ്യാറാക്കുകയും ചെയ്തു.

----------------------------

ദെന്താന്നു വെച്ചാല്‍ ഇവിടങ്ങളിലെ ഓഫീസുകളില്‍ ,ഐ.ടി.സ്ഥാപനങ്ങളില്‍ ,കപ്യൂട്ടര്‍ ഷോപ്പുകളില്‍ ,നെറ്റ് കഫേകളില്‍ ,ഹോട്ടലുകളില്‍ ,ട്രേഡിംഗ് കമ്പനികളില്‍ ,തുറമുഖ ഓഫീസുകളില്‍ , എണ്ണകമ്പനികളില്‍ ,കണക്കെഴുത്ത് ആപ്പീസുകളില്‍ തുടങ്ങി നേരെ ചൊവ്വേ പണിയെടുക്കാത്ത സ്വദേശികളെ പേരിനുമാത്രം ഉള്‍പ്പെടുത്തുന്ന ഇത്തരമിടങ്ങളില്‍ ചുറു ചുറുക്കോടെ പണിയെടുക്കുന്ന മലയാളി പ്രൊഫഷണലുകള്‍ , ജോലി കഴിഞ്ഞ് റൂമിലെത്തിയാല്‍ ഇന്റര്‍നെറ്റില്‍ നിന്നും ടോറന്റ് വഴി സിനിമ ഡൗണ്‍ലോഡ് ചെയ്ത് കാണുന്നവര്‍ ,യൂട്യൂബ് വൈജാത്യം ആസ്വദിക്കുന്നവര്‍ , ഗൂഗിള്‍ ടാക്കിലും മെസ്സഞ്ജറിലും ഓര്‍ക്കൂട്ടിലും കൂട്ടത്തിലുമൊക്കെ പോയി പെണ്ണും കുടുംബവും മറന്ന് ചാറ്റ് ചെയ്ത് സമയം കളയുന്നവര്‍ , ബ്ലോഗെഴുത്തിലും വായനയിലും താല്പ്പര്യമുള്ളവര്‍ തുടങ്ങി പ്രവാസിമലയാളികളിലെ നാഡിയും ഞരമ്പുമായി വര്‍ത്തിക്കുന്ന ഇവരെ വലയിലാക്കാന്‍ ഫേസ് ബുക്കില്‍ മലയാളി ബ്ലോഗ്ഗേഴ്സ് എന്ന ഒരു ഓപണ്‍ ഗ്രൂപ്പ് തുറക്കുകയായിരുന്നു ഇംതിയുടെ മാസ്റ്റര്‍ പ്ളാന്‍ .

----------------------------

ഇതൊരു സൗജന്യ സേവനമല്ലേ ആര്‍ക്കുവേണമെങ്കിലും തുടങ്ങാമല്ലോ എന്ന് നിസ്സാരവല്‍ക്കരിക്കുന്നിടത്താണു ഇയാളുടെ വക്ര ബുദ്ധിയെ പറ്റി നാം ആശ്ചര്യപ്പെടേണ്‍ടത്.

----------------------------

തന്റെ അവസരോചിതവും കുറിക്ക് കൊള്ളുന്നതുമായ പോസ്റ്റുകളിലൂടെയും ഹൃദ്യമായ് നര്‍മ്മവും കടുത്ത വിമര്‍ശനപാടവ സ്വഭാവവുമുള്ള കമന്റുകളിലൂടേയും തുടക്കം മുതലേ മലയാളത്തിലെ എണ്ണം പറഞ്ഞ ബ്ലോഗ്ഗുകളിലെല്ലാം സജീവമായിരുന്ന ഇയാള്‍ക്ക് ശ്രീ.വള്ളിക്കുന്ന് ബഷീര്‍ അടക്കം പ്രമുഖരുടെ പിന്തുണ തുടക്കം മുതലേ നേടിയെടുക്കാന്‍ ശ്രദ്ധിച്ചിരുന്നു.

----------------------------

ബഷീറിന്റെ അനുഗ്രഹാശംസകളോടെ തുടങ്ങിയ ഈ ഗ്രൂപ്പിലെ ആദ്യ ഇര തന്നെ ശ്രീ ബഷീര്‍ ആയി മാറി എന്നത് വിധിയുടെ മറ്റൊരു വിളയാട്ടം എന്ന രീതിയില്‍ വേണം കാണാന്‍ .

തന്റെ വള്ളിക്കുന്ന് എന്ന ബ്ലോഗ് ലോകം വിട്ട് വല്ലപ്പോഴും ബെര്‍ളിത്തരങ്ങളില്‍ മാത്രം കമന്റിട്ട് ഓടിപ്പോയിരുന്ന ഇയാള്‍ ഐ മീന്‍ ഇദ്ദേഹം ഈ ഗ്രൂപ്പില്‍ സജീവമായതോടെ മലയാളത്തിലെ ഏറ്റവും തല്ലിപ്പൊളി ബ്ലോഗ്ഗ് എന്ന ഖ്യാതി നേടി നാണവും മാനവുമില്ലാതെ വിളറി നില്‍ക്കുന്ന "എന്റെ വര" എന്ന ബ്ലോഗ്ഗിന്റെ വരേ ഫോളോവര്‍ ആകാനും അതിന്റെ വിവരം കെട്ട അഡ്മിനിസ്റ്റ്രേറ്റര്‍ വണ്‍ മിസ്റ്റര്‍ നൗഷാദ് അകമ്പാടം എന്ന സെന്‍സും സെന്‍സിബ്ലിറ്റിയുമില്ലാത്ത ബ്ലോഗ്ഗറുടെ തുരുമ്പെടുത്ത പോസ്റ്റുകള്‍ക്ക് വരെ മികച്ച കമന്റുകള്‍ നല്‍കാനും ഒട്ടും മടികാണിക്കാതെയായി എന്നു പറഞ്ഞാല്‍ മതിയല്ലോ.

----------------------------

ബൂലോകത്തെ പുലിപ്പട്ടം നേടിയവര്‍ ഇങ്ങനെ തേരാ പാരാ നടന്ന് കമന്റിട്ടാല്‍ അവരുടെ എന്തോ ഒരു സാധനം നഷ്ടപ്പെട്ടു പോകുമെന്നും മമ്മൂട്ടി പറഞ്ഞാലും മല മറിഞ്ഞു വന്നാലും മറ്റു ബ്ലോഗില്‍ കമന്റേ ഇടാത്ത തങ്ങളുടെ കണ്ണിലുണ്ണി ശ്രീ.ബെര്‍ളി തോമസിനെ കണ്ട് ഇദ്ദേഹം പഠിക്കണമെന്നും ഒരു ബെര്‍ളിഫാന്‍ ചൂണ്ടിക്കാട്ടിയത് ഈ സാഹചര്യത്തിലായിരുന്നു.

----------------------------

ഈ ഗ്രൂപ്പ് മൂലം കവിതകളെഴുതി കൈ കുഴങ്ങിപ്പോയ മറ്റൊരു ബലിയാടാണു ഈയിടെ "ഒറ്റവരിയുടെ രാജകുമാരന്‍" എന്ന കവിപട്ടം സ്വന്തമാക്കിയ പ്രശസ്ത എഴുത്ത്കാരനും ബ്ലോഗ്ഗറുമായ ശ്രീ.ഉസ്മാന്‍ ഇരിങ്ങാട്ടിരി. അര്‍ത്ഥ സമ്പുഷ്ടവും പ്രാസഭംഗിയേറിയതുമായ കാവ്യ ശകലങ്ങളുടെ രചയിതാവ് എന്ന നിലയില്‍ അനുഗ്രഹീതനായ ഇദ്ദേഹം ഇപ്പോള്‍ ഈ ഗ്രൂപ്പിലെ മറ്റൊരു സജീവ അംഗമാണു. തന്റെ ജോലി സമയത്തിനിടക്കും ഗ്രൂപ്പില്‍ ചാറ്റിങ്ങിനും കമന്റ് എഴുതാനും സൃഷ്റ്റികള്‍ പോസ്റ്റാനും സമയം കണ്ടെത്തുന്ന ഇദ്ദേഹം ആചാര്യന്‍ ഇംതിയാസിന്റെ അഭിപ്രായത്തില്‍ ഒരു മുതല്‍ക്കൂട്ടാണു.

----------------------------

ഈ ഗ്രൂപ്പിന്റെ മറ്റൊരു വാഗ്ദ്ധാനമാണു ശ്രീ.അക്ബര്‍ അലി.(ചാലിയാര്‍ ) തന്റെ പോസ്റ്റുകളും കാത്ത് കണ്ണിലെണ്ണയൊഴിച്ചിരിക്കുന്ന സ്വന്തം ബ്ലോഗ്ഗിനെ മറന്ന് ഇദ്ദേഹം ഇപ്പോള്‍ സദാ നേരവും ഈ ഗ്രൂപ്പിലെ സഹൃദങ്ങളിലും നര്‍മ്മ ഭാഷണങ്ങളിലും മുഴുകി രാവെന്നും പകലെന്നും നോക്കാതെ ഓരോ ത്രെഡിലും കയറിയിറങ്ങി സമയം കളയുകയാണു. സ്വന്തം ബ്ലോഗ്ഗിനെ മറന്നുള്ള ഈ സദാചാര വിരുദ്ധതക്കെതിരെ അദ്ദേഹത്തിന്റെ ഫോളോവേഴ്സ് ഗൂഗിള്‍ ബ്ലോഗ്ഗ് കുടുംബ കോടതിയില്‍ ഒരു കേസ് ഫയല്‍ചെയ്യാനുള്ള തയ്യാറെടുപ്പിലാണു എന്നാണു ഒടുവില്‍ കിട്ടിയ വിവരം.

----------------------------

പൂര്‍ണ്ണ ബ്ലോഗ്ഗിണിയായി നില്‍ക്കുന്ന സ്വന്തം ഭാര്യയെപ്പോലും ശ്രദ്ധിക്കാതെ പുതു ബ്ലോഗ്ഗേഴ്സിനു ഉപദേശം നല്‍കാനും ബ്ലോഗ്ഗിന്റെ ബാലപാഠങ്ങള്‍, ട്രിക്‌സ് ആന്റ് ടിപ്സ് പറഞ്ഞു കൊടുക്കാനും അംഗങ്ങളുടെ ബ്ലോഗ്ഗിലെ പ്രശ്നങ്ങള്‍ പരിഹരിക്കാനും വേണ്ടി വന്നാല്‍ അവര്‍ക്ക് സ്വന്തമായി ബ്ലോഗ്ഗു തന്നെ ഉണ്ടാക്കി കൊടുക്കുമെന്ന് ശപഥം ചെയ്ത് കയ്യില്‍ ടൂള്‍ ബോക്സുമായി എല്ലായിടവും ചുറുചുറുക്കോടെ ഓടിപ്പാഞ്ഞു നടക്കുന്ന ശ്രീ.നൗഷാദ് വടക്കേല്‍ ആണു തന്റെ മറ്റൊരു പ്രതീക്ഷയെന്നു ആചാര്യന്‍ ഇംതിയാസ് സന്തോഷ കണ്ണീരോടെ അറിയിച്ചു.

സദാ സമയവും നെറ്റിലിരിക്കുന്ന ഇദ്ദേഹം ഗള്‍ഫിലായിരുന്നെങ്കില്‍ ....തന്റെ ആഗ്രഹം എന്നേ നടന്നേനെ എന്നും ആചാര്യന്‍ ആശ പ്രകടിപ്പിച്ചു.

" ഹേ മനുഷ്യാ..നിങ്ങളിങ്ങനെ തൊട്ടതിനും പിടിച്ചതിനുമൊക്കെബ്ലോഗ്ഗ് ഉണ്ടാക്കാന്‍ കാണിക്കുന്ന ആവേശം നാലു കാശുണ്ടാക്കാന്‍ കാണിച്ചിരുന്നെങ്കില്‍ നമ്മളെന്നേ രക്ഷപ്പെട്ടേനേ" എന്ന പ്രസിദ്ധമായ ബ്ലോഗ്ഗര്‍ ഫലിതം ഇദ്ദേഹത്തെ ഉദ്ദേശിച്ചു കൊണ്ടാണുണ്ടാക്കിയതെന്ന ഒരു കിം‌‌ം‌വദന്തിയും നാട്ടില്‍ ഇപ്പോള്‍ വ്യാപകമാണു.

( ഏറ്റവും കൂടുതല്‍ ബ്ലോഗുക്കള്‍ക്കുടമയായി ഗിന്നസ് ബുക്കില്‍ കയറിപറ്റാനുള്ള കഠിന പരിശ്രമത്തിലാണത്രേ ഇദ്ദേഹം!)

----------------------------

ദുബായിലെ ഷേക്കിന്റെ മൊബൈല്‍ കടയില്‍ സദാ നേരവും പഞ്ചാര വര്‍ത്തമാനവുമായി ചാറ്റ് ബോക്സില്‍ സജീവമായ ബ്ലോഗ്ഗിലെ പുതിയ താരം ഫൈസു മദീന എന്ന പയ്യന്‍സാണു ഈ വലയില്‍ വീണു പോയ മറ്റൊരാള്‍ . ഇണങ്ങിയും പിണങ്ങിയും കെറുവിച്ചും കലഹിച്ചും നടക്കുന്ന ഫൈസുവിന്റെ പ്രകടനം മൂലം ചാറ്റ് ബോക്സില്‍ എപ്പോഴും ഒച്ചയും ബഹളവുമാണു.

----------------------------

കാരണവരുടെ ഗൗരവത്തോടെ ഇടക്ക് വന്ന് എല്ലാംശരിയായി മുന്നോട്ട് പോവുന്നില്ലേ എന്ന് നോക്കി പോവുന്ന പ്രശസ്ത ബ്ലോഗ്ഗര്‍ ഹംസ, മിന്നല്‍ പിണറുപോലെ ജോലിത്തിരിക്കിനിടയില്‍ എത്തിനോക്കി രണ്ട് ഡയലോഗടിച്ച് അതേ വേഗത്തില്‍ മുങ്ങുന്ന നൗഷാദ് കൂടരഞ്ഞി,ഭക്ഷണസമയം നോക്കി കയറിവരുന്ന സലീം.ഈ.പി.,സമദ് കാരാടന്‍ , തെച്ചിക്കോടന്‍ ,പട്ടേപ്പാടം റാംജി, വൈകിയെത്തിയ പ്രമുഖ ബ്ലോഗര്‍ ഇസ്മായീല്‍ (തണല്‍ )ഫൈസുവിനെ വീണ്ടും വലിച്ചിഴച്ച് ബ്ലോഗിലേക്ക് കൊണ്ടുവന്നു എന്ന ആരോപണ വിധേയനായ ചെറുവാടി,ജയന്‍ ദാമോദരന്‍ , അബ്ബാസ് അലി ,ബിജു പാര്‍‌വ്വതി ,ഷാനവാസ് ഇളയോടന്‍ ,നൗഷാദ് കുനിയില്‍ ,ബീമാപ്പള്ളിതുടങ്ങി ഇങ്ങേയറ്റം അരുണ്‍ കുമാര്‍ പ്രഭാകരന്‍ ,കിരണ്‍ രാധാകൃഷ്ണന്‍ ,അബ്ദുള്‍ അസീസ്,മുഹമ്മദ് റഫീക്ക്,നാമൂസ് പെരുവള്ളൂര്‍ ,കിരണ്‍ കെ.ആര്‍ ,അജിത് ജനാര്‍ദ്ദനന്‍ ,സൈനുള്‍ ആബിദ്,നൗഷാദ് കെ.വി,പ്രതീഷ് ദേവ്,ജിക്കൂ വര്‍ഗീസ്,ജമാലുദ്ദീന്‍ ഇടശേരി തുടങ്ങി സജീവമാകാന്‍ തുടങ്ങിയ ഒട്ടനവധി പേര്‍ ഇതിനകം ഈ വലയില്‍ കുടുങ്ങിക്കഴിഞ്ഞു.

----------------------------

സമീപകാലത്ത് കൂടുതല്‍ ശ്രദ്ധേയയാവുകയും അതിന്റെ ലഹരിയില്‍ ഊര്‍ജ്ജം സംഭരിച്ച് ഭര്‍ത്താവിനേയും കുട്ടികളേയും ചോറിനു പകരം കമന്റുകളും ഫോളോവേഴ്സും വെച്ചു വിളംബി രാവും പകലും ഇരുന്ന് എഴുതി തുരുതുരാ പോസ്റ്റുകള്‍ വര്‍ഷിക്കുന്ന സാബിബാവ,അതിസുന്ദരവരികളിലൂടെ ശ്രദ്ധേയയായ കവയത്രി അഞ്ജൂ അനീഷ്,റാണി പ്രിയ,കാന്താരിപ്പെണ്ണ്, ജൂബി ജുബൈരിയ,കെ.എസ്.മിനി ,ഹേമ ഹേമാംബിക,ഹരിപ്രിയ സുരേന്ദ്രന്‍ ,മായാ എസ്.കുമാര്‍ തുടങ്ങിയ ഒട്ടനവധി സുന്ദരി ബ്ലോഗിണിമാരേയും ഈ ഗ്രൂപ്പ് വലയിലാക്കി എന്നത് ഈ ഗ്രൂപ്പിന്റെ സ്വാധീന ശക്തിയെ കാണിക്കുന്നുണ്ട്. ഭര്‍ത്താവിനു നേരത്തിനും കാലത്തിനും ഭക്ഷണമൊരുക്കാന്‍ മടി കാണിക്കുന്ന പല ബ്ലോഗ്ഗിണിമാരും പക്ഷേ ഗ്രൂപ്പില്‍ സമയാസമയം ഹാജരാവാനും കിടിലന്‍ പോസ്റ്റുകളും ലിങ്ക്കളും കമന്റുകളും നിര്‍ബാധം ചൊരിയാനും ഒട്ടും മടികാണിക്കുന്നില്ല.

----------------------------

അഡ്മിനിസ്റ്റ്റേറ്റര്‍ ഇംതിയാസ് ഓര്‍മ്മിക്കുന്നു.

ഞാന്‍ പണ്ട് "കൂട്ടം" സോഷ്യല്‍ നെറ്റ് വര്‍ക്കില്‍ അംഗമായിരുന്നു.നൂറുകണക്കിനു പേര്‍ സദാ സമയവും അവിടെ ചാറ്റ് ബോക്സിലുണ്‍ടാവും.വന്‍ നഗരത്തിലെ തിരക്കുള്ള റോഡില്‍ പെട്ട കാല്‍നടക്കാരന്റെ അമ്പരപ്പായിരുന്നു തുടക്കത്തില്‍ .

ചാറ്റിംഗ് തുടങ്ങുമ്പോള്‍ എന്നെ ആരും മൈന്റ് ചെയ്യുകയില്ലായിരുന്നു.

ആ ഓര്‍മ്മകള്‍ ഇപ്പോഴും എന്നെ വേട്ടയാടുന്നതിനാല്‍ ഇവിടെ പുതുമുഖങ്ങളെ ഞങ്ങള്‍ പ്രത്യേകം കൈകാര്യം ചെയ്യാന്‍ ശ്രമിക്കാറുണ്ട്.

ഒപ്പം എല്ലാവരും ബ്ലോഗിങ്ങില്‍ താല്പ്പര്യമുള്ളവരായതിനാല്‍ പുതിയ പോസ്റ്റിന്റെ ലിങ്ക് ചേര്‍ക്കാനും ത്രെഡുകളിലൂടേയും കമന്റുകളിലൂടേയും ചാറ്റിംഗിലൂടേയും നിരവധി പേരെ ആകര്‍ഷിച്ച് തങ്ങളുടെ ബ്ലോഗിലേക്കെത്തിക്കാനും ഇത് മൂലം കഴിയുന്നുണ്ട്.

ഇത്തരത്തില്‍ വളരെ പെട്ടന്നുതന്നെ ധാരാളം കമന്റുകളും ഫോളോവേഴ്സിനേയും നേടിയെടുക്കാന്‍ പുതു ബ്ലോഗ്ഗേഴ്സിനു സാധിക്കുന്നു എന്നത് അനുഭവസ്ഥര്‍ തന്നെ സാക്ഷ്യപ്പെടുത്തുന്നു.

----------------------------

ഈ ഗ്രൂപ്പ് പ്രവര്‍ത്തനം തുടങ്ങി ഒന്നു രണ്ട് ആഴ്ചകള്‍ കൊണ്ട് തന്നെ നൂറോളം മെമ്പര്‍മാര്‍ സജീവമായി രംഗത്തേക്ക് വന്നു. ബ്ലോഗ്ഗിങ്ങിന്റെ പരമാവധി സാധ്യതകളെക്കുറിച്ച് അറിവുകള്‍ കൈമാറുക,ഈ രംഗത്തെ നൂതന വാര്‍ത്താ വിശേഷങ്ങള്‍ യഥാസമയം അംഗങ്ങളിലേക്ക് എത്തിക്കുക,അംഗങ്ങളുടെ സൃഷ്ടികള്‍ കൂടുതല്‍ വായനക്കാരിലേക്കെത്തിക്കുക,ബ്ലോഗ് നിര്‍മ്മിക്കാനുള്ള സാങ്കേതിക സഹായം നല്‍കുക, പ്രോഗ്രാമിങും ഗ്രാഫിക്സും വഴങ്ങാത്തവര്‍ക്ക് അതാതു മേഖലകളിലെ പ്രൊഫഷണലുകള്‍ വഴി സഹായം നല്‍കുക തുടങ്ങി ഒട്ടനവധി പദ്ധതികള്‍ തങ്ങള്‍ക്കുണ്ടെന്ന് ആചാര്യന്‍ ഇംതിയാസ് അറിയിച്ചു.

----------------------------

ചുരുക്കത്തില്‍ ഗള്‍ഫ് രാജ്യങ്ങളില്‍ പണിയെടുക്കുന്ന ബ്ലോഗര്‍മാരേ മാത്രമല്ല എല്ലാവരേയും ഈ വലയില്‍ താന്‍ വീഴ്ത്തുമെന്നും അതിനു ഏതറ്റം വരേ പോകാനും താന്‍ തയ്യാറാണെന്നും മലയാളം ബ്ലോഗ് ഗ്രൂപ്പില്‍ വന്ന് നട്ടം തിരിഞ്ഞ് ഓഫീസ് ജോലികളൊന്നുമെടുക്കാതെ സമയം കളയുന്ന ഒരു പുതിയ സമൂഹമാണു തന്റെ ലക്ഷ്യമെന്നും ആചാര്യന്‍ എടുത്ത് പറഞ്ഞു.

----------------------------

"ഫേസ് ബുക്ക് മൂലം വിവാഹ മോചനങ്ങള്‍ പെരുകുന്നു" എന്ന വാര്‍ത്തക്ക് പിന്നാലേ "ഫേസ് ബുക്ക് - ബ്ലോഗ്ഗിംഗ് മൂലം ഗള്‍ഫില്‍ വന്‍ തോതില്‍ തൊഴില്‍ നഷ്ടങ്ങള്‍ " എന്ന വാര്‍ത്ത വെണ്‍ടക്ക അക്ഷരത്തില്‍ അച്ചടിച്ചു വരുന്ന സുദിനമാണു താന്‍ സ്വപ്നം കാണുന്നതെന്നും അങ്ങനെ എന്നെ ഇറാക്കിലേക്ക് കെട്ടിയെടുപ്പിച്ച എല്ലാവരോടും താന്‍ മധുരപ്രതികാരം ചെയ്യുമെന്നും തികഞ്ഞ ആത്മവിശ്വാസത്തോടെ പുഞ്ചിരിച്ചു കൊണ്ട് ഈ ചെറുപ്പക്കാരന്‍ പറഞ്ഞു നിര്‍ത്തി.

----------------------------

വായന തുടങ്ങി ഇത് മുഴുവന്‍ വായിക്കാനുള്ള മനക്കട്ടിയും തൊലിക്കട്ടിയും നിങ്ങള്‍ കാണിച്ച സ്ഥിതിക്ക് ഈ ഗ്രൂപ്പിലേക്ക് എത്തിച്ചേരാനുള്ള ലിങ്ക് കൂടി താഴെ കൊടുക്കുന്നു.

----------------------------

http://www.facebook.com/home.php?sk=group_183734611637044&amp%3B%3Bap=1

അവിടെപോയി "ങാഹ! ഇതുകൊള്ളാമല്ലോ..ഞാനിനി ഇവിടെത്തന്നെ കാണുമെന്നൊക്കെ പറഞ്ഞ് അവിടെ അഡിക്റ്റായി മലര്‍ന്നടിച്ച് കിടന്നാല്‍ ദേ, ഒരു കാര്യം ഞാന്‍ പറഞ്ഞേക്കാം "എന്നെ പഴിക്കരുത്. ഡ്രിങ്ക് യുവറോണ്‍ റിസ്ക്!."
http://entevara.blogspot.com/2010/12/blog-post.html

-http://entevara.blogspot.com/2010/12/blog-post.html---------------------------

****************************************************************

Author

നൗഷാദ് അകമ്പാടം

എഴുത്ത്,വര,പടം പിടുത്തം,ചിത്രക്കട (മ്മടെ ഫോട്ടോഷോപ്പേയ്!)പത്രപ്രവര്‍ത്തനം തുടങ്ങി എല്ലാത്തിലും കയ്യിട്ടുവാരി ദുഷ് പേര് കേള്‍പ്പിച്ചു നടക്കുന്നു.

Follow Me on facebook!